Ona Kwo-cya-ren-cyuen-wey-yuen-hwey, i 2019 a mihecaan saka-12 a folad saka-10 a romi’ad, mahayda a mipalowad pakayni i sapipalowad a holic, ta i 2022 a nhecaan saka-8 a folad saka-1 a romi’ad a so’elin a mapatiren. Itini i Kwo-cya-ren-cyuen-wey-yuen-hwey no Cyuen-ca-yuen ko pipatonek, mamo^tep ko po:long no wey-yuen, ira ko kakeridan, sadepdep a kakeridan ato fafaloay a wey-yuen.
O pipatireng no i Taywanay a kitakit tona Kwo-cya-ren-cyuen-wey-yuen-hwey haw i, o nanitiraay picomahad to ’imar no tamdaw i laloma’ no kitakit; o lalengatan nonini a demak haw i, nanitiniay i ci Hwng-mo a hakasian i 1977 a mihecaan, ato nanitiniay i ci Hwang-wen-syungan, o kay-cyo no Taywan-ren-cyuan-cu-cing-hwey, malaladof to 22 a potipot a mipatireng to Kwo-cya-ren-cyuen-wey-yuen-hwey Twe-tung-lyen-meng. Nani satapangan tangasa^ anini^ haw i, o makakafitay to i laloma’ay ato papotalay a demak no kitakit yo i 1990 ho^ a mihecaan, halo nipisalof no i Taywanay to rikec a palamo^celay to demak; itini sato i Lyen-he-kwo no kalokitakit i hekal, tata’ak ko pinengneng to pakayniay pipatireng to kadademakn ato nipidemak to paka’maray a demak no tamdaw.
Pakayniay i pipatireng to cisakowanay to ’imar no tmadaw i salaloma’ no kitakit haw i, o sangara’ay a mapatireng koya Lye-he-kwo-cing-ci-se-hwey-li-si-hwey hananay, milongoc toya i laloma’ay noya sa’opo^ a kitakit a mihalaka^ a patireng to Ce-syun-syaw-cu, ano eca^, o Ren-cyuen-wey-yuen-hwey no itiraay a kasakowan. I ikoro to no tosa^ a mihecaan, i 1948 a mihecaan, mahayda no Lyen-he-kwo a mipatireng ko Si-cye-ren-cyuen-syuen-yin; i 1966 a mihecaan i, mahayda a mipatireng to Kung-min-yu-ceng-ci-cyuen-li-kwo-ci-kung-yue ato Cing-ci-se-hwey-wen-hwa-cyuen-li-kwo-ci-kung-yue; o malatadamaanay a demak no Lyen-he-kwo ko pakayniay i ’imar no tamdaw.
I 1978 a mihecaan, ona Lyen-he-kwo-ren-cyuan-wey-yuen-hwey(United Nations Commission on Human Rights, oya i ’ayaway a ngangan no the Human Rights Council kona Ren-cyuen-li-si-hwey ) haw i, mipalowad to lesafon, mihalaka^ a palowad to malo tatiri’an no potipot ato tayal no cisakowanay to paka’imaray a demak no tamdaw. Caay ka halafin, mahayda haca^ no Lyen-he-kwo a lesafon ko no kok-say paka’imaray a katatelek pakayniay to no fayfahi^, sakacaay ka sasangi^, kaemangay a wawa^, ato mapokohay a tamdaw. Pakayni i pipatonek to pido^doan tono kok-say a ’imar no tamdaw, mipa’icel haca^ ko Lyen-he-kwo to pipalowad no kalokitakit to cisakowanay to ’imar no tamdaw, mireko^ a milahci^ tona Kwo-ci-ren-cyuen-kung-yue hananay.
Mahayda no Lyen-he-kwo ko “Pa-li-yuen-ce” a mipatonek to pido^doan a palowad to paka’imaray a cisakowan no kitakit. I 1990 a mihecaan, milongoc ko Lyen-he-kwo-ren-cyuen-wey-yuen-hwey a mipalowad to lesafon a maaini, o dayhiw no mipa’esay a midama^ to ’imar no tamdaw no cisakowanay no kitakit ato cisakowan no itiraay a kasakowan ko mitomaliway a mikapotay toya lesafon.
I 1991 a mihecaan saka-10 a folad saka-7 tangasa^ i saka-9 a romi’ad, mapalowad ko sa’ayaway a lesafon a maaini, o sepoc noya lesafon i, maketon ko sowal toya “pakayniay toya lalawotan to pipatireng a mipa’es midama^ to ’imar no tamdaw i salaloma’ no kitakit”, saka pangangan hato to “Pa-li-yuen-c”. Pado^do^ sato, i 1993 a mihecaan saka-12 a fold saka-20 a romi’ad, mahayda a mapalowad kora lalawotan i Lyen-he-kwo a mikitemel, micomahad, midama^ to kalokitakit a mipalowad to paka’imaray a demak no kitakit, milongoc haca to cisakowanay no kalokitakit a mido^do^ to no kok-say a pinayaan a matayal, misatatad ko pidemak to kahirahira no dademaken, misaadihay to pidafo’an ato ci’imar a mi-kin-sa to demak. Ikor i, mipatireng haca^ ko Lyen-he-kwo to “Kwo-cya-cu-cin-ci-paw-cang-ren-cyuen-ci-kow-kwo-ci-sye-tyaw-wey-yuen-hwey”(The International Coordinating Committee of National Institutions for the Promotion and Protection of Human Rights, o ICC han to ko pipangangan)”.
Itini i nipito^to^ no ICC a micomahad tonini a demak, tiri’en ko nikilokan ni Lyaw-fu-te, nani 1990～i 2009 a mihecaan, cecay li’an ira ko safawtosa^ no mapatirengay a paka’imaray cisakowanay no kasakitakit. Itiya haw i, tato:dong sa o pisalofan no i Taywanay to holic no kitakit i 1990 a mihecaan. Orasaka, makomod ko i niyaro’ay ato sey-fu a misatapang a mipalowad to paka’imaray cisakowanay no kitakit. Sarikoray sato, itini i 2020 a mihecaan saka-8 a folad saka-1 a romi’ad i, mapalowad ko Kwo-cya-ren-cyuen-wey-yuen-hwey i Taywan.