原住民-阿美族語版原住民-阿美族語版

Satapangan a Patireng

Mido^do^ to sapitawo’ a holic no laleko^ no Cyen-ca-yuen i saka-3 a cefang saka-2 a toris: “O pipatireng no Cyen-ca-yuen to Kwo-cya-ren-cyuen-wey-yuen-hwey i, o roma^ a holic ko sapipatonek to laleko^ nira.”. O sapilaheciaw a mipa’es to ’imar no tamdaw i salaloma’ no satakaraway a holic no kitakit haw i, malaheci^ a mapacakat ato mapa’es ko pinangan no’imar no tamdaw, malaheci^ ko kasasili’ay no sya-kay, mido^do^ to pinayaan no paka’imaray a demak no kok-say, a mipalowad ko kapo^ ato satao’ no kalo’imar no tamdamdaw. Orasaka, misatatad ko Cyen-ca-yuen a mipatireng to “Kwo-cya-ren-cyuen-wey-yuen-hwey” pakayni i sapipalowad a holic no Cyen-ca-yuen i saka-3 a cefang saka-2 a tosir; matira saka, misatapang a pakatayal tonini a holic i pipatirengan to sakaenem a rekad no Cyen-ca-wey-yuen a romi’ad i 109 a mihecaan saka-8 a fold saka-1 a romi’ad.

O ’imar a matayal

Mido^do^ to nitonekan a sapitao’ i saka-2 a cefang no “Cyen-ca-yuen-kwo-cya-ren-cyuen-wey-yuen-hwey-cu-ce-fa”, o ’imar a matayal nonini a potipot i, masilsil i kalaeno^:

1. Sakacecay: Pakayni i ’imar a matayal, ano eca^, i nipapasadakan a sapikokso^ a codad. Ano miliclic to pakayniay i misasangiay, mipa’iloay, ano eca^, misepenay to masamaamaanay a demak i, do^doen ko rikec a misawkit ato midama^.
2. Sakatosa^: Mikingkiw ato misalof to paka’imaray no tamdaw a demak no kitakit i, pasadaken ko niharatengan no mikingkiway.
3. Sakatolo^: Pakayniay i ta’akay a demak no paka’imaray a demak no tamdaw i, satataden a pasadak a pasapinang, ano eca^, pasakaken ko no mihecaanay a paka’imaray a demak no kitakit, ta mahapinang ko nipipa’es to paka’imaray a demak no kitakit.
4. Sakasepat: Midama^ to kitakit a micomahad to pihayda ato pikapot to paka’imaray a codad ato rikec no kok-say, ta milecad tono kok-say a satao’ a micowat to rikec ato demak.
5. Sakalima^: Mido^do^ to no kok-say a pinayaan, misongila’ a mikingkiw to satakaraway a holic ato rikec no kitakit, ta manga’ay a mipasadak to sasalofen i satakaraway a holic no kitakit, palowad to rikec ato sasalofen a rikec.
6. Sakapito^: Misapinang a minengneng to heci^ no tayal no matayalay no sey-fu pakayniay i pipasifan’ to paka’imaray a demak, micowat to paka’imar a harateng no tamdaw, ato paka’imaray a kalodemak.
7. Sakapito^: Makomod to cisakowanay i laloma’ no kitakit, potipot no kasaniyaro’, no kok-say a potipot, cisakowanay to paka’imaray a demak no tamdaw i kalokitakit ato masamaamaanay a potipot no sya-kay, a mipalowad mipa’es to ’imar no tamdaw.
8. Sakasiwa^: Oya nipasadakan i ka’ayaw no cisakowanay no sey-fu a demak i saloma’ no kitakit i, pakayni i masamaamaanay a katatelek to paka’imaray a demak no tamdaw i, manga’ay a pataynien ho^ itini tona potipot a misatatad a misongila’ a misapinag.
9. Sakasiwa^: O roma^ a malecaday a demak to pakayniay i picomahad ato pipa’es to ’imar no tamdaw.

Ona Potipot

Mido^do^ to nipatonekan i sakatolo^ a cefang no “Cyen-ca-yuen-kwo-cya-ren-cyuen-wey-yuen-hwey-cu-ce-fa”, mamoetep ko mapalowaday a wey-yuen nonini a potipot, o kakeridan no Cyen-ca-yuen ato papito^ ko Tang-ran-wey-yuen, o mapili’ay pakayni i rikec no “Cyen-ca-yuen-cu-ci-fa” i saka-1 no sakatolo^ a cefang saka-1 a tosir saka-7 lilis ko pido^doan. O kakeridan i, o Cyen-ca-yuen-cang ko midapoay, o sadepdep a kakeridan i, o nitoro’an no masakapotay a wey-yuen cecay. I sapapotal no tang-ran-wey-yuen i, manga’ay a mala-wey-yuen nonini a potipot, o Yuen-cang ko mipili’ay. I sapapotalay no tang-ran-wey-yuen i, topaen a mifalic to mihecahecaan, caay ka nga’ay a prarid.

Mido^do^ to nipatonekan a rikec i saka-7 a cefang ato saka-8 a cefang no “Cyen-ca-yuen-kwo-cya-ren-cyuen-wey-yuen-hwey-cu-ce-fa”, ira ko pipalowad no potipot to toloay a kasakapot-- “mikingkiway a mihalaka^”, “misa’isay to demak”, ato “macacawma’ a pasifana’”; ira ko Ce-sing-mi-su ato matayalay tolo^ polo’ ira ko tosa^ tangasa^ sepat polo’ ira ko lima^ no tatamdawan, o midemakay to nipatorodan a tatayalen nonini a Potipot. Ano ira ko kalongocan a demak i, manga’ay a miala^ to i papotalay a tamdaw, o mafana’ay to no paka’imaray a demak, mikingkiway citanengay to sapipa’es to ’imar no tamdaw i kalosa’opo^, enem tangasa^ safawtosa^ no tatamdawan; manga’ay haca^ a mitakos to papinapina^ nani padakaay a tamdaw, o mafana’ay a miliclic to paka’imaray a demak no tamdaw, onini haw i, o sapisakakahad to fana’ a matayal.

O nipidemak

Mido^do^ to nipatonekan a rikec i saka-5 a cefang no “Cyen-ca-yuen-kwo-cya-ren-cyuen-wey-yuen-hwey-cu-ce-fa”, cecay folad kinacecay a mikayki^ ko wey-yuen nonini a Potipot. Ano ira ko kacarohan a demak i, manga’ay ko tatoloay a wey-yuen a milongoc to pipalowad to kayki. O niketonan a demak i kayki^ i, manga’ay a mapakatayal ano mata’elif ko pangkiw no mihaydaay a wey-yuen. Ano mihayda ko wey-yuen nonini a Potipot i, manga’ay a mipalowad to no serer a kayki^.

O malecaday a nipatonekan nonini a rikec i saka-6 a cefang, oya nisoritan i saka-2 a cefang no rikec nonini a Potipot, o po:long no nihalakaan nonini a Potipot to kalodemak i, o sasongila’en a maemin no wey-yuen-hwey nonini a Potipot a maaini. O lalofangen a demak i, pakayniay i masamaamaanay a ’imar no tmadaw, o pinangan no tamdaw ato matayalay no sey-fu; ano ira ko kalongocan i, manga’ay a mido^do^ to no Lyen-he-kwo-ren-cyuen-kung-yue ato no ro:ma^ a malecaday matiliday a codad.

O Laleko^ no Potipot

O saserer a matayalay nona Potipot